Data

4 e 5 de novembro de 2021

Localización

Museo de Pontevedra (Edificio Castelao)
Rúa Padre Amoedo Carballo, 3, 36002 Pontevedra

Data Límite

Data límite de inscrición, 31 de outubro de 2021

Xornadas sobre Museos e Educación Patrimonial

Presentación

Os días 4 e 5 de novembro van ter en lugar no Museo de Pontevedra as I Xornadas sobre e Museos e Educación Patrimonial: Patrimonio e Comunidades.

A convocatoria pretende ser un espazo de reflexión, posta en común e colaboración entre investigadores universitarios e dos equipos de desenvolvemento educativo e acción cultural dos museos de Galicia, doutras rexións de España e de Portugal.

A iniciativa nace da colaboración entre o Museo de Pontevedra e a Universidade de Santiago de Compostela, conta co financiamento da Deputación de Pontevedra, e ten vocación de continuidade tras recoller as propostas e arelas das e dos participantes.

Para asistir é necesaria a inscrición cubrindo o formulario habilitado para este fin.

Programa

Sobre as Xornadas

As I Xornadas sobre Museos e Educación Patrimonial nacen como unha iniciativa do Museo de Pontevedra en colaboración coa Universidade de Santiago de Compostela a través da área de didáctica das Ciencias Sociais do Grupo de Investigación Roda.

Promovidas pola Deputación de Pontevedra a través do Museo de Pontevedra, as xornadas pretenden converterse nun foro para a posta en común de diferentes experiencias que se están desenvolvendo tanto en Galicia como noutros lugares de España e Portugal, grazas a actividade que promoven equipos de educación e acción cultural dos museos, investigadores universitarios e persoas relacionadas coa educación patrimonial

O programa inclúe tres relatorios a cargo de: a coordinadora do Observatorio de Educación Patrimonial de España, Dª Olaia Fontal, da Universidade de Valladolid; a coordinadora xeral de Educación do Museo do Prado, Dª Ana Moreno; e o responsable da área de Educación do Museo Thyssen-Bornemisza, D. Rufino Ferreras. Así mesmo prográmanse tres mesas redondas coa participación de investigadores e profesionais vinculados con museos e universidades, e sesións interactivas abertas para debater sobre as iniciativas de educación patrimonial que se presentan en forma de pósters polas persoas inscritas.

A inscrición é gratuíta, mais compre rexistrarse previamente nesta web. Expedirase certificado de asistencia.

Nota sobre a presentación de póster: As persoas interesadas deberán facer unha solicitude previa indicando a temática e autoría até o día 1 de outubro. Unha vez aprobada deberán enviar o texto definitivo antes do 25 de outubro de acordo co formato e as normas previstas. As sesións de presentación e debate serán coordinadas para promover o diálogo e a participación, e as aportacións, que poderán acompañarse dun breve texto explicativo, serán publicadas polo Museo de Pontevedra en formato electrónico.

Comité científico e organizador

Directores

José Manuel Rey García (Director do Museo de Pontevedra)

Belén Mª Castro Fernández (Universidade de Santiago de Compostela)

Secretario

Jorge Conde Miguélez (Universidade de Santiago de Compostela)

 

Comité Científico

Ana Moreno Rebordinos (Museo del Prado)

Encarna Lago González (Rede Museística Provincial de Lugo)

Rufino Ferreras (Museo Thyssen-Bornemisza)

Ramón López Facal (Universidade de Santiago de Compostela)

Olaia Fontal Merilla (Universidad de Valladolid)

Cosme Gómez Carrasco (Universidad de Murcia)

Alex Ibáñez Etxeberria (Universidad del País Vasco)

Myrian Martín Cáceres (Universidad de Huelva)

Miguel Ángel Cajigal (Fundación Cidade da Cultura de Galicia)

José María Cuenca López (Universidad de Huelva)

Belén Sola (Universidad de Valladolid)

 

Comité Organizador

Paula Tilve Otero

Xosé Armas Castro

María Leticia López Mondéjar

Francisco Rodríguez Lestegás

María del Mar Bóveda López

Leticia Castro Calviño

Montserrat Dopico González

Tania Riveiro Rodríguez

Museo de Pontevedra © 2021. Todos os dereitos reservados.
Deputación de Pontevedra